والله ولا بقت مصر ولا حاجه

على طول انا كده متاخر مش قادر اكتب كل يوم الصبح والدنيا كانت خربانه فى كل حتى لكن فى المدونه كانت الدنيا السطه وعسل بلوز ولا كان فى حاجه مع ان الى حصل فى مصر ده زلزال دى الدنيا اتقلبه 180 درجه حسنى مشى وكمان ابنو ومراتو والحزب الواطنى بقى نجس ولوث كل الى كانو اعضاء فيه وبقو كارهين نفسهم وحرقو الكارنيهات والله دى طاقه القدر اتفتحت لمصر وانا كنت نايم مش فى الحقيقه بس فى المدونه بس فى الحقيقه كنت شغال بايدى وسنانى عشان الدنيا تبقى عسل وعشان اكون عملت حاجه مفيده للمدونه الميته دى الى بفكر امسحها اصلا انا ححكى كل الى حصلنا من قبل الثوره ( الى كنا مخدوعين فيها ) فى محافظه اسوان ك العاده اول اما النشطاء بتوع مصر يعملو واقفه او مظاهره احنا بنجتمع ونحضر لاننا نعمل زيها فى اسوان لكن كل مره او اكتر المرات كانت بتفشل لحدت يوم 22 يناير كلمنا بعض عشان نعمل مظاهره يوم 25 فى اسوان وبدانا التنسيق مع جروب خالد سعيد و6 ابريل والبردعى وكلما كل النشطاء الى هنا فى اسوان ومعظمهم ابدى ترحيب كل ده احنا منعرفش ايه الى حيحصل او حيتم فى البلد كلها احنا ركزنا على اسوان وعملنا اجتماع تاسيسى ده طبعا بعد ما حطينا رقم تليفون واحد فينا ( الضحيه ) على كل صفحات النت والمناسبه الى عملناها باسم اسوان وكل الى يكلمو يديلو معاد الاجتماع التحضيرى الى يوم 23 و24 الى اتفقنا فيه ان اليوم ده حيكون اكبر مظاهره فى اسوان وطبعنا ورقه 6 ابريل واشتغلنا احنا الشباب توزيع فى الشوارع طبعا ناس كتيره رفضت تصورلنا الورقه وقالت انتو حتودونا فى دهيه لفينا على ناس كتير عشان نصور الورق لحد اما واحد وافق يطبعلنا وابتدينا توزيع الورقه الى فيها سبب المظاهره وميعادها فى اسوان والمكان الى هو فى ميدان المحطه ولسه يدوب خلصنا توزيعها وعدينا على ميدان المحطه لقيناه مرشق عربيات امن مركزى بقى ومصفحه والدنيا مردغينه ايه ده كلو قبل ما نقف امال اما يشوفو عددنا حيعملو ايه ده احنا كلنا على بعض كنا 18 نفرفى الاجتماع وظروف اسوان كنا شبه متاكدين اننا حنقف لوحدينا اصل الناس فى اسوان ( بتخاف من نفسيها ) فما بالك بقى بامن الدوله المهم عشان مطولش روحنا كلنا يوم 24 بليل بعد ما وزعنا اخر دفعه من المنشورات واحنا فاكرين ان يوم 25 حيتعمل علينا كاردون امنى جامد وانا حضرت نفسى شحنت الموبيل رصيد وكمان بطريه ونزلت برنامج بث مباشر عشان الناس فى كل العامل تشوف حصلنا ايه على اساس اننا حنموت وفعلا احنا كنا نازلين تانى يوم شيلين كفنا ...... يتبع

متاخر

انا متاخر كتير فى اناى اتكلم عن الحاجه دى ( مسلم و مسيحى ) انا اصحابى مسحييين وكتييير جدا وهنا فى اسوان التعامل بيكون عادى بين الدينين مفيش اختلاف صحبى مارلى ومينا ومايكل فعلا ومعاهم فليب مش بهظار ده بجد ومعاهم كمان كرولس واسف على كل الى نسيته بس بجد انا مفيش فى قلبى اى حاجه اتجاه اى واحد منهم الى حصل ده مش ممكن يتسكت عليه الى افتكر انو ضر او اخد حق للاسلام بالفعل الشنيع ده فهو اكيد مخطئ هو لو فكر ولو للحظه ان ممكن يكون فى مسلم برئ معدى فى الشارع او حتى الحرس المسلم الى على الكنيسه حيموت معاهم لزم كان يرفض عمليه زى دى انا سكت كتير وقعدت اتفرج لكن كدا كفايا خلاص انا قررت حنزل بكرا وحروح الكنيسه بكرا عشان اشوف اخواتى المسحيين واهنيهم بالعيد وفى نفس الوقت اثبت ان الوطن ده نسيج واحد اى نعم فى تعصب من النحيتين لكن فى ناس كتيره معتدله احنا مش عيزين اى حد من بره او حتى من جوا يفرق بينا انا فى احداث كتيره ما اتفاعلتش معاها لكن دى زادت خالص


وكمان الى حصل اما راح شيخ الازهر الكنيسه والناس اطلقت هتافات ضده انا شايف ان الى عملو شيخ الازهر وانو راح العزا ده يشكر عليه ده حتى وزير الدخليا معملهاش لحدت دلوقتى ومزارش مكان الحادث
اما المظاهرات بتاعه شبرا ف انا شايف ان فيها امل عشان قدرو انهم يحشدو كم كبير فى وقت قياسى عشان  يطالبو بمطالبات انا فى نظرى شيفها انها فى مصلحه الشعب كلو مسيحى او مسلم
اشوفكو بكرا قدام كنيسه الملاك ميخائيل الساعه 8.5 ( اسوان )